Веќе некое време размислувам да чкрабнам неколку реда околу прашањето какви пораки пренесуваат рекламите, особено после неколку нови “хитови” што ме испровоцираа во последно време. Но веројатно намногу ме поттикна дискусијата што ја водевме со Сеад на неговиот блог.
Ќе почнам со мал “теоретски” вовед. Како основа за дефинирање на пораката на една реклама за некој бренд е т.н. USP = unique selling proposition (единствена продажна пропозиција).
USP се дефинира како комуникација на клучната придобивка на брендот, која е релевантна за консументот, и по која тој бренд се диференцира од брендовите од истата категорија (конкурентски брендови). Во исклучителни стуации, доколку клучниот бенефит не е единствен само за тој бренд, туку го има и кај конкурентиските брендови, адвертајзерите комуницираат некој бенефит кој е карактеристичен за целата категорија, а не само за својот бренд.
Кратенката USP се користи и во праксата на агенциите во Македонија. Инаку, автор на терминот е Rosser Reeves, кој важи за основоположник на една од, до скоро доминантните, комуникативни стрaтегии, онаа на логичко, рационално претставување на производот.
Е сега, прашање е колку “авторите” на домашните реклами (не сите, се разбира) навистина знаат што комуницираат и каква порака пренесуваат? Каква порака на пример пренесува реклама чиј слоган е “Батка, маслово е зејтин”? Таа тавтологија не кажува ама баш ништо за брендот! Ниту за категоријата! Ниту пак комуницира некаков бенефит! Ниту пак е на било кој начин релевантна за публиката!
И такви има еден куп: “Браво премиум, разбираш”, “Сите се добри, само еден е најдобар. Мебел-Ви Виница”… итн. Но, мојот апсолутен омилен хит и врв на нелогичноста на една порака пренесена преку реклама за еден бренд (почнувајќи од неговото име) е дефинитивно новиот бренд на Велија: “Само една е снаа”!!!
Ама дали ви се верува?!?!
За ова веќе мислам и не вреди да се коментира дополнително. Можеби човекот решавал фамилијарни драми на овој начин, но сигурна сум дека имало и посреќно решение – на пример влошките можеле да се викаат Неда (како прашокот Биљана нели, на пример). Не знам зошто воопшто фрлал пари на снимање на ТВ “спот” за “Снаа”, можел да ги искористи снимките од свадбата на Хеди и Неда.
Икрено, заради ваквите примери кои навистина ме иритираат, сè посимпатични ми стануваат оние неуки – но искрени – реклами, изработени од неколку фотографии од работилницата на некое дооел претпријатие (или кадри од некој саем), врз кои е “налепен” долг, но искрен, текст, од типот: “Голем асортиман на штрафчиња, навртки, завртки, гуртни…..! Ние се наоѓаме зад Це-Ка, во старата жолта зграда на втори спрат….(или во втора хала на Скопски Саем)… Дојдете ќе се договориме! Ве очекуваме!“, итн. Во тие реклами, колку и да се едноставни, неинвентивни и пренатрупани со текст, барем никој не се обидувал да биде креативен, туку само најдиректно да си ја пренесе пораката – имаме тоа и тоа, ако ви треба дојдете.
Повеќе ме иритира (ама буквално ми ја навредува и интелигенцијата, и професијата) кога ќе препознаам обид за креативност, зад кој нема ни трошка познавање (знаење), а богами ни разбирање на концептот на адвертајзинг, а најмалку на пораката што треба да се пренесе во рекламата.
11 Responses
Stay in touch with the conversation, subscribe to the RSS feed for comments on this post.
Абе ова влошкива Снаа се сами по себе „вирал”. Не им требало ни реклама.
И тоа што викаш, сме го потцениле Велија. А човекот седнал и убаво размислил, па го направил тој чекор, плански
За мене овој вид реклами се шунд како и секој друг. Јас мислам дека рекламите се нов вид на уметност и како такви ги гледам и доживувам. Дефинитивно мислм дека претствуваат облик на комуникација меѓу луѓето и не се согласувам со со едностраното гледање како на еден од стимулансите на потрошувачката грозница. На пример воопшто не сум автомобислки настроена и не сакам ниту да купувам ниту да гледам автомобили. Меѓутоа уживам во гледањето на некои од автомобилските реклами. Омилена ми е онаа за Пежо некој си која се базираше на пораката за комплексноста на поимите (демек, бизнисменот не е само бизнисмен, и таткото не е само тако и 505 или кој веќе и да беше не е само број). Ептен кул и пријано за очи и со една многу поширока порака.
Исто така мислам дека соодветните рејлами можат да бидат неверојатно добри за борба со стереотипите и предрасудите. Токму во оваа област нашите реклами најмногу омануваат. Посебно оние на К-15, меѓутоа и другите се родово детерминирани и промовираат традиционално-патријахални стереотипи на ангро.
Ti go obozuvam nacinot na objasnuvanje:)))) me iznasmea!!! mene sepak mi e favorit Risto od Panel Plus, koga naracuvase reklama za panelite “i tuka ke ja stavime vo pozadina edna pesna so zena mi taa omilena ni e na taa se zapoznavme i koga ke napravi tantaaat i tuka reklama wowww ke pocne, e taka nesto napravete”. neli kreativno? da ti e merak da go slusas… (se rabotese za Caribbean blue od Enya, pesna koja ja ima na sekoja reklama na BTR)
SAMO EDNA E SNAA……
Neda poveke ne mu e snaa sega ima poveke snaii Velija:)))))sekoja vtora vo TV .
)))
Komunikaciska poraka sto ja ispraka/ne ispraka e ,,kretivniot tim ,,sto raboti vo Tv …koj ne postoi…..! Devojkite sto se na scena se vraboteni vo Tv za 100 evra i nikakov i ne zemale nitue denar honorar za snimanjeto ,tuku kako nagrada dobile besplatno patuvanje vo Belgrad kako publika na operacija Triunf …
Evtinata ,,kreativa” i produkcija so eden kamerman i eden montazer koj proizvolno si secel ona sto nemu mu bilo nalozeno …..bidejki toj e ..i raziser i moner i svetlo i se …..
Kaj Velija vazi praviloto se sto e pomalku platenio e podobro i se sto e glupavo i prosto iskazano ,, bes nekoi si poraki ili sublimalni ili kreativni ,, e efektivno -toa se negovite misli .
Ova ne e nisto novo za A1 Tv mozeme da ocekuvame uste mnogu vakvi reklami za Hedi’s proizvodite .
Ima skriena agenda pozadi “Snaa”-se vika “Riste od Pripor Koncept”. Tolku e losa, so mora da ja spodelis naokolu i da gi razveselis prijatelcinjata. Izvonredno…odamna se neam smeeno tolku, prvpat ja vidov tuka:))))))))))))
BRA-VO!
Одличен пост, честитки
Гласам со две раце за чесен УСП кај нас дома. За рекламите на К-15 делумно се согласувам, но да не те гушам со коментари, ќе се обидам да напишам нешто повеќе на ЦрнаОвца. К-15 пр- методиката им е слична на оние на Скопски пазар (или Тинекс?), не се сеќавам прецизно 
, од типот „повели комшија“.
Методолошки може да ја ги оспорувате и омаловажувате концептите на рекламите на К15. Но мора и да се признае дека и покрај тоа што дел од нивните реклами не ја праќаат најкорисната порака, сепак публиката реагира на нив.
Не знам дали реагира како што исплнирале креаторите на истата, ама сепак има реакција. Е сеа, згора на се, треба, нели, и да се види ефектот од рекаламата. Да си пеете Епинал, Епинал, Еееепинал и да помислите да го посетите или да го препорачате Епинал е различно.
Затоа, треба да се има почит кон нивните рекалами. Дел од нив носат пораки и ги комуницираат солидно. За дел, искрено, може и нема потреба да носат порака.
На пример, за прашок за перење, детерген за садови, шампон, кафе и сл. прозиводи мислам дека тотално се излитени сите можни пораки.
Не би рекла. Мајка ми еднаш во супермаркет ме убедуваше дека уствари Кристал зејтинот е тој што го “рекламираат” К-15! Значи, го памти секој детаљ од рекламата и скечовите на К-15, а не запамтила за кој бренд се работи, па го купува токму конкурентскиот!
Па каква сака нека е намерата на креаторот, оваа не била сигурно!
Каде ни е крајот?
Драги алл,
со “Снаа” – та доживеав личен срам, се почувствував како некој да ме осрамотил јавно мене лично и сите нас што мислиме дека правиме нешто или дека знаеме “How to do it”,
си викам до каде и кога. . . наместо да чиниме нешто што ќе не турка напред, ние правиме снаи … Нот ту меншн д десижн за новата спомен куќа на Мајка Тереза или еден куп други ПР или какви и да се подвизи на нашите главни шизици од кои ќе се засолнувам со весник за да не се срамам по улица. Замислете спомен куќа што личи на се (измешани стилови) идеи, мисли, намери, Важно по македонското се да има, да НАИМА! (ќе видите скоро, кој не видел се уште што е одлучено), Знаете оној момент кога некој те БРУКА најбрутално, аххх, наместо ново и супер современо ние имаме КИЧ & РЕНЕСАНСА. И што ни преостана освен ова парче дигитална комуникација за да се довериме едни на други и да си кажеме дека Вредностите ни се во рецесија, регресија, репресија…
Нештата немаат доволно вредност за да имаат порака, немаат содржина!
до следната снаа или свекрва! Лонг ви лив!
ББ
Continuing the Discussion